Jólahlaðborðin

Jæja.

Þá er það fyrsta jólahlaðborð ársins í kvöld (á ekki von á nema einu til viðbótar).  Á matseðlinum sá ég m.a. "sleðadregið hreindýr". Haldið þið að það sé óhætt að bragða á því? Ég er að reyna að ímynda mér hvers konar hreindýr það muni vera.

Kv. Fjóla Ásg - með vatnið í  munninum

Matreitt í Lúxemborg

Jörfaliðið á sinn fulltrúa á Heimsbikarmóti matreiðslumanna sem nú stendur yfir í Lúxemborg. Óli fór með íslenska landsliðinu sem annar af tveimur aðstoðarmönnum.
Meira hér: www.chef.is

Kv. Gústi.

Stefán í Ekvador

Sæl öll.

Hann Stefán Bjartur er með fjölda heimsókna inná bloggið sitt á hverjum degi og er ánægður með það. Honum finnst hinsvegar mjög leitt hve fáir kommentera og láta vita af sér á ferðinni á síðunni. Hann er langt í burtu og það að fá kveðju að heiman er ómetanlegt. 

 Kveðja til ykkar allra, Ása Björk

Helga Ara er úti í kuldanum þótt það sé sól í Noregi

Takk fyrir ljúfar afmæliskveðjur, grjónin mín.

Ólara, kíktu í gestabókina, þú verður að reyna að hjálpa stóru systur að komast aftur inn í hlýjuna til okkar!

Og greyin mín - skellið nú inn smá bloggi.  Hvað á að baka margar sortir í ár?  Er búið að hanna jólakortin í ár?   Ég veit að Magga er komin vel á veg í hönnuninni.  Laufabrauð hjá Norð-austurdeildinni um helgina, fréttir og myndir af því eftir helgi.  

Anna og Hjölli - er ekki alveg að koma blogg frá ykkur?

Verið ekki svona feimin, það fer ykkur ekki vel!! 

Kv. Guðný ráðríka  (enda orðin eldri)!!

Ps. Haldið þið ekki að hann Lauji (Laugi......Laui.....eða bara Guðlaugur!) í Odda sé dáinn, þið vitið Lauji og Laufey í Odda, fyrir aftan Ingibjörgu og Dóra í Odda. Pabbi Baldurs í Sólgarði.....

Hún á ammælídag......

Yngsta barnið í Jörfa á afmæli í dag!

Hún er fædd 1960, ber aldurinn vel, er ern og hress og hefur góða fótaferð.
Sjónin svolítið farin að daprast en hún heyrir vel!
Til hamingju með daginn Guðný mín!
Kv. Gústi.

Nýleg mynd af afmælisbarninu......

Kveðja frá Stebbý

Sting þessu hérna inn til gamans, greinilegt að hróður okkar er farinn að berast út - gott mál!  Enda er ég sammála Stebbý um hvað þetta blogg okkar er frábært, þótt ekki séu daglegar færslur.... 

Ég fékk þetta bréf í e-mail, vildi bara skila kveðjunni

Kv. Guðný. 

 

uuuuu....Stebbý er Stefanía Gyða Jónsdóttir móðurbróður Jóhannssonar frá Ósi,

þið vitið Polli og Stebbý og Begga og Jói....... Jón Þór og Binna....

 -----------------------------

Rakst eftir skrítnar krókaleiðir inn á hið frábæra blogg Jörfaliðsins.

Frábært hjá ykkur, gaman að geta "legið á glugga" og séð hvað er að gerast í stórfjölskyldunni.

Missti mig reyndar doldið í myndaalbúmunum yfir því hvað litlu börnin eru orðin stór.

Sá að það skrifar ekki nokkur maður í gestabókina, þannig að ég kem þessari kveðju áleiðis hér.

Vonandi að við finnum tilefni til að hittast sem fyrst.

Kveðja til allra

 

Stebbý.

Í dag, mánudaginn 13. nóvember, hefði hann pabbi orðið sjötugur, hefði hann lifað.

 

Á þessum tímamótum langar mig til að minnast hans með nokkrum orðum.

Óli Ara.

Hún mamma mín...

... Gunna í Hólabrekku á afmæli í dag. Hringdi í hana áðan og hún er bara nokkuð hress miðað við aldur  ég ætla samt að heimsækja hana á sunnudaginn og gá hvort að hún er nokkuð búin að gleyma hvernig á að elda og baka, maður verður nú að passa upp á það! Annars er bara gott að frétta úr Þrastarhóli, Dagur var að spila á tónleikum í dag já og Hjörvar Óli var líka að spila, þeir eru duglegir strákar  Ída Guðrún er að fara til Grenivíkur á morgun með félagsmiðstöðinni, þar á gista og éta pizzur og dansa.... örugglega mjög gaman að því. Læt þetta duga af fréttaflutninga í bili. Kv. góð Magga Á.

Einu sinni var - á Borgarfirði

Ég var að horfa á þá skemmtilegustu bíómynd sem ég hef séð lengi!  Stuttmynd eftir Hafþór Snjólf Helgason með myndefni Helga Arngrímssonar og Guðlaugs Ingasonar.  Gamlar myndir frá Borgarfirði, alveg frábærar!

Mamma að versla í Kaupfélaginu, Pabbi að koma af sjónum, Diddi á gamla Scout jeppanum, Grímur að selja egg í Árnabúð, Alli á Grund í heyskap, Fjarðarborg í byggingu, frystihúsið á fullu, síldarsöltun o.fl.

Kv. Gústi.

--------------------

Fréttin á borgarfjordureystri.is:
http://www.borgarfjordureystri.is/index.php?pid=3&cid=345

Slóðin á myndina:
http://hi.is/~hsh2/svipmyndirBGF.wmv

Danmörkin!

Jæja, þá er ég búinn að vera hér í rúma 2 mánuði og kann bara rosalega vel við mig hérna! Skóinn er frábær, og ég hef verið í kór, hljóðstúdíói, hljómsveitum, matreiðslu, jóka, dönsku, og mörgu fleyra.

Eftir 2 vikur fer ég svo til Fraklands í skólaferð og hlakkar rosalega til þess!

SVO er það aðal spennan! þegar ég kem aftur hingað eftir jólin verður farið beint í flug aftur með 18. vinum mínum, og þá til Kenýa, þar sem til stendur að halda áfram til Tanzaníu í 18 daga, og þar verður farið í landsbæ, þar sem við verðum að kenna ensku og fl. Jafnvel förum við í fjallgöngu á Kilimanjaro og jafnvel líka til Zanzibar! Þetta er allt saman rosalega spennandi og hlakkar mig svakalega til! :D

Eftir Tanzaníuna fer ég aftur til Uldum og verð þar til mars og skrifa nú örugglega aftur fyrir þann tíma! :D