Ættarmótsmyndir!

Halló öllsömul og takk fyrir síðast!

Ég er búinn að setja inn slatta af myndum frá ættarmótinu. Þær eru í tveimur albúmum Ættarmót 2008/1 og 2 (virðist vera einhver hámarks fjöldi sem hægt er að setja í albúm). Og að sjálfsögðu fá fánaberarnir að vera hér á forsíðunni!

Þetta var aldeilis frábært ættarmót og ekki skilst mér að nýliðin helgi á Borgarfirði hafi verið síðri. Spurning hvort Gamli-Jörfi verður tómur á Álfarborgarsjensinum.

Bestu kveðjur, Gústi.   

 

 

Ógleymanlegt

Takk fyrir stórkostlegar samverustundir um helgina. Maður getur ekki tekið eitt framyfir annað. Eitt er samt víst, við verðum að hittast oftar Hjartans kveðjur, Fjóla Ásg.

PS. Ég var myndavélarlaus í trausti þess að Guðný myndi ausa myndum....plíííísssssssssssss..... 

Golfmeistarar Jörfaliðsins!!

Örugglega satt....en samt er þetta pínu "feikuð" mynd.  Vorum að ljúka fjögurra daga meistaramóti í golfi og erum ótrúlega góð, jafnvel þótt við höfum fengið bikarana lánaða í smástund !

Reyndar komum við Siggi heim með bikara, ég fyrir annað sætið í mínum flokki og Siggi þriðja í meistaraflokki - Raggi var rosa góður líka og varð fjórði í sínum flokki, erfiðustu  andstæðingarnir þar !

Dagskrá ættarmótsins er virkilega flott og ég hlakka einhver ósköp til.  Sérstaklega heillar mig setningin að hætti Hóllendinga - sé fyrir mér Ós-ættarlið í lange baner standa hljóð í þrjár mínútur ! Svo er ég líka svolítið spennt fyrir jarðarberjunum, þó við þurfum að borga sérstaklega fyrir þau.

Gústi systir, ertu ekki tilbúinn fyrir ratleikinn?

kv. Guðný golfari.  

Ósættarmót - endanleg dagskrá, allt orðið klárt :)

Jæja, hér kemur dagskráin í endanlegri mynd.  Ég vil vekja athygli á örlítilli breytingu á mótsgjaldinu, þar sem teygt var á aldursmörkunun, sem vonandi kemur sér vel fyrir einhverja, svo og á því að hægt er að gera upp áður en lagt er af stað.  Svo verður bara ótrúlega gaman  

Guja syss/frænka.

 

ÓS – ÆTTARMÓT - 2008

Föstudagskvöldið 18. júlí.

Kl: 17:00.  Skráning í Fjarðarborg  - Afhending (nátt)gagna.  Posi á staðnum í boði bræðranna frá Merki.

Kl: 19:30.  Skrúðganga frá Fjarðarborg á tjaldsvæði, fánaberar fara fyrir göngunni ásamt lúðrasveit útbæinga  

Kl: 20:00.  Hátíðin sett að hætti Hóllendinga (3 mín þögn) 

Kl: 20:03.  Fjöldasöngur, allir sem hljóðfæri geta valdið  taki með sér píanó eða flygil  

Kl 22:00.  Nú færist ró yfir tjaldsvæðið,  við færum okkur yfir í bræðsluna og höldum áfram spjalli og léttum söng yfir kertaljósum fram eftir kveldi,  kveðnar verða rímur - í bland við skyggnilýsingar Gumma frá  Ósi   Sérhver ættleggur er beðinn að vera sem skrautlegastur í skrúðgöngunni, veitt verða verðlaun fyrir athyglisverðasta ættlegginn að ættarmóti loknu.

Laugardagur 19. júlí.

Kl: 10:00.     Ratleikur í boði Jörfasystra, jafnt fyrir unga sem aldna, lagt  verður af stað frá Bræðslunni þar sem Gústi í Jörfa (hann er smáfríðastur þeirra systra)  fer yfir leikreglurnar  

Kl: 14:00.     Heyvagnaferð, lagt verður af stað frá Bræðslunni,  ekið verður í  gegnum Bakkagerði  og endað inn við  Brandsbalarétt, þar verður  sannkölluð karnival stemmning, söngur, grín, leiksýningar og  úlfaklifur. - Ási leiðir aksturinn.   Fyrir þá sem ekki vilja í heyvagnaferð verða í boði siglingar um fjörðinn fagra á vægu verði með honum Kára og gönguferðir við allra hæfi um hóla og hæðir með Árna Áskels  

Kl: 18:00.   Veislan í Bræðslunni  Fjöldasöngur, ættliðagrín, spakmæli, leyniatriði og  fjöldi annarra  stórskemmtilegra  atriða.  Við skemmtum hvort öðru þetta kvöld, ætlast er til að hver ættleggur leggi til ca. 10 mín atriði, það má vera allt frá söngleik að ljóðalestri, veitt verða verðlaun, gullpeningar og farandbikarar, fyrir skrautlegheit, skemmtun og allt það  annað sem fær okkur hin til að brosa   

Sunnudagur 20. júlí

Kl: 11:00.    Hátíðarmessa. Við endum hátíðina með guðjónustu þar sem Séra Jóhanna Sigmarsdóttir þjónar fyrir altari.  Minningarorð verða  tileinkuð Jóa afa og Beggu ömmu. Við hvetjum til góðrar mætingar í messuna.  Búið verður að útbúa söngtexta til að gera þetta sem hátíðlegast

---------------------------------------------------------------------------------------------------------                                           UPPLÝSINGAR.

Hátíðargjald verður i boði á þessu ættarmóti, er það eftirfarandi:

Börn frá    0-6 ára frítt , innifalið allt það sem í boði er nema jarðaber

Börn frá    7-14 ára  2000 kr. - matur, grín, glens og hárteygjur  

Börn frá  15 – 99 ára  5500 kr. - matur,grín, glens og raksápa   

Innifalið  í miðaverði  er auk allra skemmtiatriða, tvíréttuð máltíð í bræðslunni sem Fjarðarborg framreiðir og  eitt Niðjatal ásamt einni Söngbók til hverrar fjölskyldu. Við skráningu fá allir barmmerki sem gildir sem kvittun fyrir kvöldverði. Til að lágmarka lausafé í umferð viljum við biðja alla sem tök hafa á að greiða sitt þátttökugjald inn á reikning 0175-05-71487 kennitala 640204-3030 áður en mætt er á staðinn. Sjáumst hress kæru vinir.

Ós  -  Ættarmótsnefndin 2008.       

 

Einn miði á Bræðsluna?

Góðan daginn gott fólk. Hann Stebbi minn ætlaði að fara að kaupa sér miða á Bræðsluna en þá er bara allt uppselt. Hann bað mig að skrifa hér og spyrja hvort einhver ætti miða afgangs að selja sér. Hann bauð meira að segja 7000 kall fyrir . Damien Rice er uppáhaldstónlistamaðurinn hans.  Kveðja - Ása Björk

Ósættarmót - húfuframleiðsla

Kæru Jörfaliðar.   Ég er að skipuleggja húfukaup fyrir Ósættarmót og þarf að fá c.a. fjölda sem ég þarf að panta.   Húfurnar munu verða hvítar með grænni áletrun (JÖRFALIÐIÐ) og kosta kr. 850.- stykkið.  Þetta eru svona húfur með stækkunar/minnkunarmöguleikum og ætti því að passa á flesta. Ég er búin að velja bestu "hlustendur" af heimasíðunni til að gefa upp fjölda frá sínum legg og bið því Óla, Fjólu, Ásu, Steina, Guðnýju og Gústa að hafa samband við sitt fólk, taka saman hve margar húfur þau vilji að ég panti fyrir þau og láti síðan vita, annað hvort beint til mín (4661415 eða 8631815 - verð á Bf. frá mánudegi til föstudags í næstu viku ) eða skrá það á síðuna.  Vonandi sjá sem flestir sér fært að skreyta sig með húfum, en það er ekki síst áríðandi að hafa þær í skrúðgöngunni á föstudaginn á ættarmótinu.  Það verða veitt verðlaun fyrir skrautlegasta liðið og auðvitað vinnur Jörfaliðið   Er ekki skiltið ennþá til í skúrnum ?  Ég er farin að hlakka rosalega til, var að koma af ættarmóti Dælisættar í Skíðadal í grenjandi rigningu og slyddu svo að nú er næsta mót í sól og blíðu   Kveðja, Guja.

Drengur fæddur!!

Klukkan 10:03 í morgun barst mér eftirfarandi skeyti frá Hjörleifi bróður:

Hraustur og gegn Mýramaður. 10 fingur, 10 tær. 

Kv-Ása Björk

Stuð í pottinum

Ég fékk ákaflega skemmtilega heimsókn á þjóðhátíðardaginn; systkinin Palli og Lára í miklu þjóðhátíðarstuði. Þau voru búin að taka þátt í öllu þessu helsta sem maður gerir á 17. júní; fara í andlitsmálun, taka þátt í skrúðgöngu, fara á hestbak, slást um karamellur úr flugvél, skreppa á rúntinn með slökkviliðinu - Palli fór reyndar tvær ferðir þar af því hann var fastur í öryggisbeltinu!

Það var ekki slæmt að enda svo daginn í heita pottinum í Ásveginum með sleikjó

kv. Guðný.

Júní afmæli

Grétar Njáll Helguson má tjalda í dag - orðinn tuttuguogfimm. Til hamingju með það,

Kv. Fjóla Ásg

38 dagar í ættarmót....

Mig langar svo til að hlera hvort það eru ekki allir á leiðinni á ættarmót. Það lítur út fyrir að ég komi með allt mitt. Guja er búin að segja mér að það verði dýrðlegt veður. Hún hefur sko alltaf sagt mér satt. Tralalala.....ég hlakka til.

Kv. Fjóla