Nýr fjölskyldumeðlimur

Á föstudaginn fékk Jóhann  hund,   hundurinn heitir  Luna  hún er  blanda  af  Beagle og Drever. Hér koma nokkrar myndir  af  henni  

 

Eyvindur tívístar

Eyvindur Ágúst var víst væntanlegur í sjónappið í kvöld en verður þess í stað í Ísland í dag á stöð 2 á morgun eða hinn.

 

Nefndin.

Áramótagleði norðurdeildar

Eins og undanfarin ár (áratugi jafnvel) var haldin heljarins áramótaveisla heima hjá Guju og Ragga. Þangað söfnuðust Jörfaliðar og þeim tengdir og fögnuðu nýju ári með mikilli veislu og tilheyrandi flugeldaskothríð!
Þessi veisla var hápunkturinn á skemmtilegu jólahaldi norðurdeildar Jörfaliðsins, sem hittist með reglulegu millibili allan jólamánuðinn. Allt frá því laufabrauðið var skorið, þar til nýárskaffið var drukkið saman.
Vonandi verður nýja árið Jörfaliðinu gæfuríkt og mörg tilefnin til að hittast!

Myndir úr áramótaveislunni koma í myndsafnið fljótlega. Ég lenti í smá tölvutjóni, en það stendur til bóta.

Kv. Gústi.

Áramót Litlu Brekku fjölskyldunnar!

 

Þetta er skemmtileg heimildarmynd úr áramótaveislunni í Kvíaholti. Samankomin voru foreldrar Rögnu, Ása með sitt slekt, Óli með sína fjölskyldu, Ragna og Stebbi og heimilisfólkið í Kvíaholti.

Gleðilegt nýtt ár og takk fyrir það gamla!

Borgarfjörður vestri.

NÝÁRSKVEÐJA

Nýútkomin bók

Bókarkynning:  Fyrir jólin kom út bókin Afríkuveikin  - dagbókarbrot-. Bókin lýsir ferð þeirra feðga Runólfs Ágústsonar og Eyvindar Ágústs Runólfssonar til Afríku í nóv. sl. Í bókinni eru greinar og hugleiðingar þeirra  úr ferðinni,flestar skrifaðar í lok hvers dags þegar komið var heim í gististað. Bókin er fræðandi og skemmtileg og lýsir ýmsu því     óvænta sem fyrir augu   og bar. Báðir eru þeir feðgar liprir með pennann, ekki síður sá yngri.Fallegar myndir prýða bókarsíður, teknar af höfundunum.Ég læt fylgja hér lokapistil bókarinnar sem Eyvindur skrifar og skýrir ma. nafn hennar.Sjálfur skil ég nafnið mjög vel, hafandi fengið veikina af sömu ástæðu og Eyvindur. “ Afríkuveiki. Þegar við lentum um miðnætti á Keflavíkurflugvelli var kalt, það var dimmt og það var frost.Mig langaði mest aftur á Zanzibar í 30*C eða til Serengeti að skoða öll dýrin.        Daginn efti fór ég í skólann og það var alveg ágætt en ekki jafn ágætt og að vera í Afríku. Ég held að ég hafi lært meira á þessum tíu dögum en næstu tíu dögum í skólanum.Pabbi fékk svokallaða Afríkuveiki og var með í maganum í tvær vikur en ég er með allt öðru vísi Afríkuveiki. Þegar maður er kominn heim frá Afríku hugsar maður um hana á hverjum degi, maður saknar hitans, allra dýranna og fólksins sem maður kynntist. Hér eftir verð ég alltaf á leiðinni til Afríku".                                                                                                                      Eyvi.  Bókin var gefin út í 200 eintökum af bókaútgáfunni Feðgar og prentuð í Odda.Hún er nú uppseld hjá útgefenda en ágóða af sölunni verður varið til að gera þorpsbrunn í Afríku. Hugsanlega gæti ég útvegað nokkur eintök gegnum sérstök sambönd!

Flott bók!

Bestu jólakveðjur til allra Jörfaliða og annarra sem þetta lesa

Stebbi bró.

  

En síðan eru liðin mörg ár....

Þetta gat hún Magga systir þegar hún var bara fimm ára.

Í dag á hún fertugsafmæli og við, fjarstaddar systur, ættingar og vinir á Akranesi, sendum henni allar bestu heillaóskirnar í tilefni dagsins. Elsku Magga, hafðu það sem alltaf sem best. "Við komum bara næst...." 

JÓLAKVEÐJA

..til allra gesta síðunnar okkar. Það eru ótrúlega margir sem kíkja hér inn reglulega, takk fyrir það.

Ég óska ykkur öllum gleðilegra jóla, góðs og farsæls komandi árs. Þakka allar yndislegu samverustundirnar á liðnum árum, vonandi fjölgar þeim frekar heldur en hitt. Það er alltaf tilhlökkunarefni þegar Jörfaliðar og aðrir ættingjar og vinir okkar koma saman.

 Ástarþakkir fyrir fallegar jólagjafir og öll jólakortin, ekkert súkkulaði í jólapökkunum í ár, verður ekki betra! Jólarjúpan og -hreindýrið í gærkvöldi var afar ljúffengt að vanda og Möðrudalshangikjötið í hádeginu í dag það besta í mörg ár!  Nú liggjum við á meltunni og stefnan hjá mér er að komast úr náttfötunum í kórdressið fyrir jólamessuna í Urðarkirkju sem verður á eftir. Svo er það kaffiboð hjá Guju eftir messu og svo afgangurinn af hangikjötinu í kvöldmatinn og svo.....lesa aðeins og borða svo meira !

"Í dag er glatt í döprum hjörtum því Drottins ljóma jól"

Jólakveðja,

Guðný. 

ps. Ása mín, ekki láta þig dreyma um að sleppa við jólakort frá okkur, þótt þú sendir ekkert sjálf!

Gleðileg jól

Kæru vinir

Mig langar að nota þennan vettvang og óska ykkur öllum gleðilegra jóla og farsæls komandi árs. Bið ykkur vinsamlegast að taka mig ekki útaf jólakortalistum þó ekki hafi borist kort í ár

 Ég hlakka til að njóta samvista við ykkur á nýju ári hvort sem það verður í Gamla Jörfa eða annarstaðar. Þær eiga eftir að vera margar.

Ása Björk

Skrár tengdar þessari bloggfærslu:

• picture_711.jpg

Útskriftin hans Óla

Sæl öllsömul.

Þá er hann Óli okkar Gústa orðinn matreiðslumaður! Hann útskrifaðist föstudaginn 19. desember í Digraneskirkju í Kópavogi. Við keyrðum suður til að vera viðstödd athöfnina og erum harla montin af drengnum!

Eftir athöfnina borðuðum við saman á VOX Bistro, þar sem Óli fékk höfðinglegar viðtökur hjá vinnufélögunum, sem splæstu kampavíni í tilefni dagsins.

Óli kom svo með okkur norður og nú eru allir drengirnir heima og verða hjá okkur á jólunum. Óli og Steinar verða svo á SV-horninu um áramótin.

Bestu kveðjur, Gústi og Magga.