Haustferðin langþráða.

Loksins er komið að haustferðinni langþráðu.  Guja og Raggi ætla að skella sér í Gamlann um helgina og vera það alveeeeeg þangað til á mánudag   Vonandi tekst þeim að lokka einhver barnabörn með.  Eins og veðurfræðingarnir tala í kvöld á að vera alveg bongóblíða um helgina, ekki amalegt.  En, eins og allir vita, þá er pláss fyrir fleiri

Þrítugur.

Sæl öll.

 

Minni á að þann 19. september næstkomandi stendur til að halda upp á 30 ára afmæli húsbóndans í Kvíaholti -í Kvíaholti- með prump og pragt. Lifandi tónlist, ketsúpa, öl, rautt og hvítt - líflegri drykkir verða að fá að fylgja neytendum með í veisluna. Engin boðskort, komi þeir sem koma vilja, fari þeir sem fara vilja. Skál.

HHS

Hreindýraferðin mikla

 Sælt veri fólkið.

Setti inn nokkrar myndir í albúm sem teknar voru í hreindýraferð okkar feðga.

Kveðja - Óli Stef.

Varúð...

... nei djók!  Gunna og Geiri eru á leið í Gamlann og ætla að dvelja þar næstu eina til tvær vikur. Mamma bað mig um að koma þessum skilaboðum á vefinn. Ég veit fyrir víst að engum verður hent út þó honum detti í hug að dvelja þar á þessum tíma. Kannski maður drífi sig bara......
Kv. Magga Ásgeir- og Gunnu

Begga amma hefði orðið sjötíu ára í dag.

Í dag, 11. ágúst, hefði hún Begga amma orðið sjötug hefði hún lifað.

Við minnumst hennar með miklu þakklæti og söknuði og vitum að hún er hjá okkur í anda. 

Bestu kveðjur,

Strákarnir hennar ömmu.

Veiðimenn í vígahug

Nú er komið að því!

Til stendur að dvelja í Gamla Jörfa næstu helgi og viku. Í hópnum verða Óli og Tedda, Ragnheiður og tveir Stefánar. Veiðimenn hópsins skreppa til héraðs og fella hreindýr. Læri verður stungið í pott þegar heim kemur og hækkað á Sóló. Ekki væri verra ef fleiri Jörfaliðar létu sjá sig.

Kveðja, Stebbi elsti.

 

Takk fyrir komuna!

Fiskisúpukvöldið mikla tókst með miklum ágætum.  Um 700 manns borðuðu súpu hérna hjá okkur í Ásvegi 1, sirka 90 lítra af dýrindis fiskisúpu. Það voru margir höfðingjar á ferðinni, s.s. Sveinn og Geira, Gummi Sveinn, Gestur, Addi Magg og fylgifiskar, Helga Björg og Kári, Tóta frænka og Doddi, Grétar frændi í Vinaminni svo einhverjir séu taldir. Gústi og tökuliðið hans fengu að koma inn bakdyramegin, ekki hægt að láta vinnandi fólk standa í biðröð!

Það er ekki nokkur leið að taka á móti svona mörgu fólki nema með aðstoð góðra manna og vil ég hér með þakka þeim fyrir alla aðstoðina. Skúli aðstoðarkokkur og Linda rækjudrottning Hafnfirðingar, Stjáni gítarleikari og Lára ræstitæknir Hólmvíkingar, Geiri harmonikkuleikari og Gunna systir hjálparhönd og Magga litla frænka súpuskammtari stóðu sig öll eins og hetjur. Allt miklir snillingar og vonast ég til að sjá þau öll að ári, í fantaformi fyrir súpukvöldið. Auk þeirra voru allir notaðir sem hægt var að nýta til aðstoðar, enda allir boðnir og búnir. 

Það verður sko boðið upp á súpu hér aftur 2010, ef þú misstir af henni í ár! Eins og sjá má á myndinni hérna neðan við, var biðröð yfir götuna allan tímann frá því kveikt var á kyndlunum og þar til öll súpa var búin.

Takk fyrir hjálpina, aðstoðarmenn og komuna, gestir!

Guðný og Siggi. 

 

Fréttir af noregsförum.

Sælt veri fólkið.

Nú fer að styttast í heimferð hjá okkur Óla, Sigrúnu og Ými.   Við erum búin að vera hjá Helgu og Jóhanni og Vidar í tvær vikur og sú síðasta að hefjast.  Hér er búið að rigna sem aldrei fyrr, en góðir dagar með sól og hita upp að 27 gráðum á milli.  Þá daga höfum við notað til skoðunarferða og hefur dagskráin verið skipulögð af Helgu og Vidar.  Þau hafa farið með okkur víða m.a. til Svíþjóðar.  Áhugaverðir bæir og staðir hafa verið heimsóttir og söfn skoðuð.  Dagurinn í gær var tekinn rólega og var foreldrum Vidar boðið til veislu að íslenskum sið; lambalæri með rauðkáli og grænum baunum í bland.  Frændurnir Jóhann og Ýmir eru nánast sem einn og hundurinn fær að þvælast með.

Þetta hafa verið yndislegir dagar sem seint gleymast.  Við systkinin höfum ekki verið svo marga daga saman í fríi síðan 1974 og er allt eins og áður, nema hvað við höfum ekki slegist þessa dagana.

Kv/ÓA

Þú ert boðin/n í fiskisúpu að Ufsavegi/Ásvegi 1 á Dalvík í kvöld!!

Það eru tilbúnir um 80 lítrar af dýrindis fiskisúpu a la húsmóðirin í Ásvegi 1. Bærinn er orðinn fullur af fólki og hús og garðar skreytt í tilefni dagsins. Veðrið leikur við okkur, léttskýjað, smá gola og hiti um 20 gráður.

Verið velkomin!!

Húsráðendur.

Gleymd myndavél

Kæru vinir

Svo virðist sem ég hafi gleymt myndavélinni minni í Gamla Jörfa um daginn. Það væri ágætt ef sá sem næstur fer líti eftir henni. Hún er annaðhvort uppá ískáp, á saumavélinni eða í eldhúsglugganum

Þetta er lítil grá Cannon vél. Síminn minn er 6959998.

Annars þakka ég enn og aftur samferðafólki mínu öllu í sumarfríinu fyrir dásamlegar stundir. - Ása Björk

P.S. Fór í bíó í gær og hitti þar sætann frænda, Ara Helguson. Það var svo gaman að spjalla við hann.