Hvernig verða páskarnir hjá þér ????

Koma nú og kommenta smá....eða setja inn frétt

Athugasemdir

[________________________________________________________, 12.4.2009 kl. 18:29]

Gleðilega páska kæru Jörfaliðar!

Hér er mikil afslöppun og rólegheit. Reyndar hefur pest herjað á suma og kyrrsett þá þess vegna. Við fórum í leikhús á föstudagskvöld, sáum Tenórinn hjá LA og skemmtum okkur mjög vel. Svo skruppum við Magga til Dalvíkur á laugardag. Ég fór í messu kl. 8 í morgun, en páskadagurinn er rólegur. Í þessum skrifuðum orðum er hamborgarhryggurinn á leið í ofninn. Á morgun rennum við trúlega austur á Húsavík í heimsókn. Málsháttur dagsins: "Vex hugur þá vel gengur".

Bestu kveðjur, Gústi & co.

[________________________________________________________, 12.4.2009 kl. 21:52]

Sæl veriði og gleðilega páska. Við stórfjölskyldan áttum yndislegt kvöld á Kvíunum á skírdag hvar Hjörleifur, Hjödda frænka og mamma elduðu dásemdarmáltíð. Óli og Tedda voru róleg áfram á Brekkubæjum en við Eyvindur lögðum land undir fót og heimsóttum vini í Reykhólasveit. Stóru mínir eru búnir að vera að vinna alla helgina. Nú á páskadagskvöldi erum við hér öll, ég og drengir, nýbúin að sporðrenna brekkuhrygg og liggjum á meltunni. Allir kátir, þar með talin Bósi og Kisa. Kveðja - Ása Björk

[________________________________________________________, 13.4.2009 kl. 14:57]

Sigurhátíð sæl og blíð - ljómar nú og gleði gefur.....  Var að koma úr Vallakirkju, söng þar með Samkórnum ásamt Möggu, Atla og fleira góðu fólki. 

Páskafríið búð að vera dásamlegt. Afskaplega lítið prógramm, afslöppun og mikið af góðum mat. Útivistin stunduð grimmt, uppúr stendur skíðaferð í Böggvisstaðafjall þar sem við Lilja Berglind lékum skíðadrottningar og svifum niður brekkurnar á meðan Lára og Palli spreyttu sig í kennslu hjá 13 ára dömum og Svavar gekk í göngubraut á gönguskíðum. Svolítið kalt í veðri, en við vel klædd og í stuði. Svo var lambalærinu skellt á grillið í gærkvöldi, árviss páskamáltíð með Möggu og Atla.

En nú er að setja sig í gírinn fyrir vinnuna!  Páskakveðja úr Ásvegi 1.

[Akraselir (IP-tala skráð) 13.4.2009 kl. 16:57]

Hér eru síðbúnar páskakveðjur til ykkar allra.

Hin árlega páskaeggjaleit fór fram í gærmorgun, við mikinn fögnuð strákanna sem virðast aldrei vaxa upp úr þessari hefð. Eftir að hafa fundið eggin sín, máttum við gjöra svo vel að fela þau aftur og núna á ennþá erfiðari stöðum en fyrr.

Svo földu þeir litla páskaeggið okkar (nr. 2) en höfðu engan tíma til að fylgjast með okkur leita, Skúli fór í matarboð til föðurfólksins og Ýmir stakk af og fór út að leika við vini sína. Við hjónin leituðum út um allt, í bakaraofninum, örbylgjuofninum, í pottum og pönnum í pottaskápnum, ofan í seríos- og kornfleksdöllunum, inni í ísskáp og í frystinum, ofan í hrærivélinni og ég veit ekki hvað og hvað (vorum nefnilega búin að fá eina vísbendingu "eldhúsið"). Fengum góðan gest í heimsókn og tókum okkur smá pásu í leitinni, orðin aðframkomin af súkkulaðiskorti eða þannig

Loksins kom Ýmir heim og vorkenndi okkur gömlu hjónunum mikið að hafa ekki fundið eggið (hann var búinn að hringja tvisvar og athuga hvernig gengi). Í framhaldinu hófst leitin aftur með tilheyrandi leiðbeiningum, fugl/fiskur/heitur/kaldur og þetta allt saman og það bókstaflega skríkti í honum þegar við vorum alltaf á villigötum í leitinni. Loksins fannst eggið... inni í uppþvottavélinni, undir lítilli skál, jibbíjei ... og gátum við setið alsæl og gúffað í okkur súkkulaði það sem eftir var dagsins. Málshátturinn í egginu "Grísir gjalda, gömul svín valda", kannski ekki alveg í takt við hina örvæntingarfullu leit, en vel viðeigandi að öðru leyti.

súkkulaðiknús til allra úr Akraselinu

[________________________________________________________, 13.4.2009 kl. 21:03]

Stórfjölskyldan í Péturshúsi ákvað að breyta til þetta árið (hvort sem er svo miklar breytingar hjá fjölskyldunni ) og eyddi páskunum í sumarbústað í Svartagili í Borgarfirði. Algjört letilíf, etið, drukkið og sullað í pottinum. Einn fjsk. meðlimurinn var þó "aktívastur" og fékk fyrstu tönnina og æfði veltur og snúninga í gríð og erg en við hin lágum aðallega  á meltunni eða í pottinum.

kveðja úr Hólminum 

[________________________________________________________, 13.4.2009 kl. 21:27]

Norðmennirnir í Jörfaliðinu, þeir Jóhann og Tómas, eru á landinu og hafa verið síðan fyrir páska.  Með þeim í för er Katrine kærasta Tómasar.  Ferðin hefur verið frekar á lágstemmdu nótunum hjá þeim þar sem Tómas lagðist í rúmið með lungnabólgu fljótlega eftir komuna og hefur varla reist höfuð frá kodda.   Skötuhjúin fara heim á miðvikudaginn en Jóhann verður fram yfir helgina.

Fréttaritari.

[________________________________________________________, 13.4.2009 kl. 22:06]

Sælt veri fólkið. Setti inn nokrar myndir og smá video af Jónasi og co í Jónasar albúm.

Kv.SteiniJ

[________________________________________________________, 13.4.2009 kl. 22:38]

Snilldarmyndir af Jónasi Bjarti, vídeóið er frábært, hann hefur greinilega mikið langlundargeð - kannski frá pabbanum?

Ýmir góður að fela páskaegg, um að gera að láta þetta lið hafa fyrir hlutunum

Kveðja, Guðný.

[Magga,Gúst go co (IP-tala skráð) 14.4.2009 kl. 12:38]

Hæ hæTómas og Jóhann,

 leitt að heyra að Tómas hafi eitt Íslandsfríinu sínu í rúminu, vonandi ertu orðin hress kallin minn og þið hafið haft það gott um páskana.

Bestu kveðjur Gústi, Magga og co.