Nýútkomin bók

Bókarkynning:  Fyrir jólin kom út bókin Afríkuveikin  - dagbókarbrot-. Bókin lýsir ferð þeirra feðga Runólfs Ágústsonar og Eyvindar Ágústs Runólfssonar til Afríku í nóv. sl. Í bókinni eru greinar og hugleiðingar þeirra  úr ferðinni,flestar skrifaðar í lok hvers dags þegar komið var heim í gististað. Bókin er fræðandi og skemmtileg og lýsir ýmsu því     óvænta sem fyrir augu   og bar. Báðir eru þeir feðgar liprir með pennann, ekki síður sá yngri.Fallegar myndir prýða bókarsíður, teknar af höfundunum.Ég læt fylgja hér lokapistil bókarinnar sem Eyvindur skrifar og skýrir ma. nafn hennar.Sjálfur skil ég nafnið mjög vel, hafandi fengið veikina af sömu ástæðu og Eyvindur. “ Afríkuveiki. Þegar við lentum um miðnætti á Keflavíkurflugvelli var kalt, það var dimmt og það var frost.Mig langaði mest aftur á Zanzibar í 30*C eða til Serengeti að skoða öll dýrin.        Daginn efti fór ég í skólann og það var alveg ágætt en ekki jafn ágætt og að vera í Afríku. Ég held að ég hafi lært meira á þessum tíu dögum en næstu tíu dögum í skólanum.Pabbi fékk svokallaða Afríkuveiki og var með í maganum í tvær vikur en ég er með allt öðru vísi Afríkuveiki. Þegar maður er kominn heim frá Afríku hugsar maður um hana á hverjum degi, maður saknar hitans, allra dýranna og fólksins sem maður kynntist. Hér eftir verð ég alltaf á leiðinni til Afríku".                                                                                                                      Eyvi.  Bókin var gefin út í 200 eintökum af bókaútgáfunni Feðgar og prentuð í Odda.Hún er nú uppseld hjá útgefenda en ágóða af sölunni verður varið til að gera þorpsbrunn í Afríku. Hugsanlega gæti ég útvegað nokkur eintök gegnum sérstök sambönd!

Flott bók!

Bestu jólakveðjur til allra Jörfaliða og annarra sem þetta lesa

Stebbi bró.

  

Athugasemdir

[________________________________________________________, 28.12.2008 kl. 18:20]

Já sæll!  Það hefur greinilega ekki farið mikið fyrir þessari bók í flóðinu fyrir jólin, ég hef allavega ekki heyrt á hana minnst fyrr en núna.  Mér finnst þetta spennandi og er alveg til í að fjárfesta í eintaki, ekki verra að ágóðinn renni til góðra mála.

kv. Guðný.

[________________________________________________________, 28.12.2008 kl. 20:48]

Óska hér með eftir "sérstökum samböndum". Kv. Fjóla Ásg

[Aðalsteinn Baldursson, 28.12.2008 kl. 22:48]

Ég hef ekki heyrt um þessa bók, en ég smitaðist sjálfur af Afríkuveikinni árið 1999 og er sú baktería ekki farin úr blóðinu enn. Ég hef sagt það frá þeim degi sem ég kom heim frá afríku að það er ekki spurning um það hvort heldur hvenær ég fer þangað aftur.

[________________________________________________________, 29.12.2008 kl. 00:09]

Það er vel þess virði að kaupa þessa bók. Ef þið hafið áhuga þá sendið mér tölvupóst [e-mail] og ég sendi ykkur eintak. 1000 kr stykkið og allur ágóði rennur, eins og pabbi sagði, til Hjálparstofnunnar kirkjunnar. Kv.-Ása Björk