Laugardagur til lukku!

Kæru Jörfaliðar og aðrir vinir!

Mig langar að minna ykkur á síðbúið afmælisboð á laugardaginn. Það verður opið hús í Félagsheimilinu Lóni, Hrísalundi 1 á Akureyri (sjá hér). Þar verður frjáls mæting í súpu og brauð á milli klukkan 18 og 22 og vonast ég auðvitað til að sjá sem flest ykkar þar!

Ég get auðvitað ekki lofað því að toppa Fiskidagssúpuna hjá Guðnýju og Sigga, en reyni það auðvitað. Allavega verð ég með sama kokkinn.

Bestu kveðjur, Gústi.

Athugasemdir

[________________________________________________________, 6.11.2008 kl. 20:07]

Ég geri ráð fyrir því að Margrét systir okkar Helgu Sess, sé búin að láta þig vita að við (ég og Helga Sess) eigum ekki heimangengt. Margrét og fjölskylda eru í þessum skrifuðum orðum að graðga í sig skyndibita í Staðarskála, á suðurleið. Sjáumst bara í fertugsafmæli Margrétar (nú verður einhver? ekki vinsæll....) kv. Fjóla Ásg

[Aðalsteinn Baldursson, 6.11.2008 kl. 21:46]

Ég myndi gjarnan vilja mæta en því miður hef ég ekki tök á því. Njóttu endilega dagsins.

Kv. Gosi

[________________________________________________________, 7.11.2008 kl. 21:43]

Ég skora á alla Jörfaliða sem vettlingi geta valdið að mæta á staðinn og vera skemmtilegir, spáin er góð, samt er ég skíthrædd um að við verðum í miklum minnihluta!!! Eins og við getum nú verið skemmtileg!!!

[Stefán (IP-tala skráð) 8.11.2008 kl. 17:46]

Verðum því miður fjarverandi vegna sívaxandi leti.

Bestu kveðjur til afmælisbarnsins  og annarra Jörfaliða!

Stebbi og Ragna.