Fiskidagurinn ógurlegi nálgast!

Jæja, nú er að koma að því. Fiskidagurinn mikli næsta laugardag og allt á útopnu í undirbúningi.

Við höfum ákveðið að ganga alla leið og opna húsið okkar fyrir gestum og gangandi á föstudagskvöldið - eins og reyndar 50 aðrar fjölskyldur á Dalvík

Sumsé, ykkur er boðið í dýrindis fiskisúpu "a la Jörfaliðið" að Ásvegi 1, kl. 20:15 á föstudagskvöldið! 

Sjáumst!

Húsráðendur að Ásvegi 1, Dalvík. 

---------------------

P.s. Óskum eftir skemmtilegum gítarsnillingi til að halda uppi fjörinu á pallinum

Athugasemdir

[________________________________________________________, 6.8.2008 kl. 00:57]

Akraselir komast ekki, því miður, en tóku forskot á sæluna og elduðu fiskisúpu "a la Marel" í kvöld (5. ágúst).  Frábær fiskisúpa.  Ef ÓA ætti heimagengt myndi hann koma og taka rosalegt luftgítarsóló og riff,  láta alla klappa og hlæja í takt við fíflalegan klappstól.

Bless kex klukkan sex.

[________________________________________________________, 6.8.2008 kl. 10:21]

Ykkar verður sárt saknað - ég veit ÓA myndi sko redda stuðinu með klappstól!!

G.Ól.

[________________________________________________________, 6.8.2008 kl. 17:35]

Fyrst að það vantar gítarsnilling á pallinn þá vel ég að koma ekki - heldur fer á Clapton-tónleikana....Ég skal athuga hvort hann er tilkippilegur á pallinn á Ásgarðsveginum eftir "giggið"  kv. Fjóla

[________________________________________________________, 7.8.2008 kl. 15:26]

Fjóla, Fjóla.....illa líst mér á þig!

Varðandi Clapton, því miður get ég ekki notað hann, bauðst sköllóttur harmonikkuleikari með gleraugu í staðinn og kýs hann frekar  !!

kv. G.Ól.

[________________________________________________________, 8.8.2008 kl. 11:34]

Ég verð bara að hlusta á diskinn með sköllótta harmonikkuleikaranum (hann er í hillunni hjá Claptondiskunum) og fá mér Vilko

Annars er ég að hugsa um að hafa samband við tónleikahaldarana hér á landi. Auk þessarar uppákomu var nefnilega rifjað upp fyrir mér að ég "þurfti" að fara á tónleika með Joe Cocker hér um árið þegar það var fermingarveisla í Stykkishólmi. Í ljósi þessa finnst mér að þeir taki ekki tillit til mín varðandi dagsetningar og geri ekki ráð fyrir frekari vandræðum þegar ég verð búin að benda þeim á þetta. Kv. Fjóla Ásg