Tónleikar í Árósum

Ég fékk upphringingu í dag frá Óskari og hann sagðist vera staddur í Árósum í Danmörku, ætlaði að spila á tónleikum í kvöld, í Pakkhúsinu niðri við höfn.  Ekki vildi ég nú missa af því og dreif mig af stað eftir kvöldmatinn og sá hann troða upp með samnemendum sínum frá Musik og Teaterhøjskolen í Toftlund. Þetta voru stórgóðir tónleikar og Óskar stóð sig eins og hetja á bassanum. Þau spiluðu allskonar tónlist, jazz, soul, ballöðu, jólalag og enduðu svo á rokkslagara. Ég tók nokkrar myndir af kauða og þær eru í myndaalbúminu.
Kveðja frá Danmörku,
Óli Helgi. 

Athugasemdir

[________________________________________________________, 5.12.2007 kl. 22:03]

Frábært að fá svona fréttir þegar maður kíkir hér inn. Eru kauðinn og fréttaritarinn nokkuð væntanlegir heim í jólafrí?

kv. Fjóla Ásg 

[________________________________________________________, 5.12.2007 kl. 22:16]

Já, þetta var stórskemmtilegt. Jólin í ár verða dönsk hjá okkur en kauði fer heim um miðjan desember.
Kv, Óli Helgi 

[________________________________________________________, 6.12.2007 kl. 14:55]

Takk takk elsku Óli!! Óskar hringdi í mig á heimleið frá Århus og var mjög ánægður með að þú skyldir koma á tónleikana.

Gaman að sjá myndir af kauða, hann er sjálfur myndavélalaus og verður því lítið um myndir þegar heim kemur.

kv. Guðný

[________________________________________________________, 7.12.2007 kl. 08:53]

Frábært! Kv. Magga