Tímabært....

....að blogga smá.

Við hjónakornin ásamt Þresti og Bíbí úr Þrastarhóli vorum í matarklúbb á laugardagskvöldið. Á matseðlinum var eitthvað dularfullt: "Transmettað, reykt, steikt, andaði að sér svifryki í sveit, synti í  menguðum sjó,lenti í síðan í höndum á fólki sem stráði allskonar menguðum kryddum yfir. Eldað með ósoneyðandi efni."  Þetta reyndist vera áll, og fengum við hann bæði heitreyktan og einnig ferskan, steiktan á pönnu. Mjög sérstakur matur.....

Ída Guðrún er að fara á kostum þessa dagana í Leikhúsinu á Dalvík. Hún er í leiklistarvali í 10. bekk og eru þau búin að æfa og eru að sýna "Þú ert í blóma lífsins, fíflið þitt!" eftir Davíð Þór Jónsson. Ída leikur hana Lillu sem allt snýst um og er að standa sig rosaleg vel í þessu....sem og öðru sem hún tekur sér fyrir hendur!

Það er gaman að skoða snjómyndirnar frá Danmörku á síðunni hans Daníels Skíða. Þetta er greinilega alvöru, held þetta sé meiri snjór en hefur komið hér í allan vetur!

Að lokum smá vísnagáta - svar óskast!

Boðar mönnum messugjörð
mælir daga og stundir.
Vex um heiðar holt og börð,
höfð er pilsum undir.
höf. Ólöf Ó. Briem

 Kveðja, Guðný.

Athugasemdir

[________________________________________________________, 25.2.2007 kl. 22:21]

Magga!  Ekki svara strax..........

[________________________________________________________, 26.2.2007 kl. 11:35]

Ég er búin að fatta þetta - komin í smá þjálfun. Hvenær má ég svara?

Var Dalvíkurkaffi í matarklúbbnum? Næsta sem ég þarf að gera spennandi í matarmálum er að nota racklett-grill sem hann gamli minn fékk í ellistyrk. Hafið þið eldað  á svoleiðis? Þið megið gjarna ausa úr viskubrunninum, ef svo er.

Kv. Fjóla Ásg

[________________________________________________________, 26.2.2007 kl. 14:29]

Ég veit svarið.  Má svara núna ?

ÓA.

P.s.  Hvað er málið með skarfana ?

[________________________________________________________, 26.2.2007 kl. 17:31]

Óli skarfur, Óli skarfur.....

Það má svara á morgun!!  Fjóla, racklett-grill, hvað í ósköpunum er það nú?

Kv. Guðný 

[________________________________________________________, 26.2.2007 kl. 23:24]

Klukkan hvað má svara ;-)

Kv. SteiniJ

P.s. svo var það þetta með skarfana.

[________________________________________________________, 27.2.2007 kl. 13:32]

Ooooo, sniðugur, Steini.

Guðný, umrætt grill er græja til að hafa á matborðinu og gestirnir elda sjálfir. Racklett er ostur sem á að nota svo þetta verði alvöru....

Kv. Fjóla Ásg

[________________________________________________________, 28.2.2007 kl. 17:08]

Koma svo, hvert er svarið???

[________________________________________________________, 28.2.2007 kl. 23:32]

Dettur ekki í hug að svara - það er búið að stela glæpnum.

Kv. Fjóla.

PS Guðný, koma með aðra 

[________________________________________________________, 1.3.2007 kl. 20:28]

Óli, hver er það sem

Boðar mönnum messugjörð
mælir daga og stundir.
Vex um heiðar holt og börð,
höfð er pilsum undir ?

Það þýðir ekkert að þykjast vita og svara svo engu! 

[________________________________________________________, 2.3.2007 kl. 10:32]

Það er auðvitað klukkan sem boðar mönnum messugjörð.  Ég þekki þetta vel þar sem helv.... klukkurnar í kirkjum í hverfinu mínu eru að gera mig brjálaðan.  Þeim er hringt í tíma og ótíma öllum til armæðu.  Nú svo mælir blessuð klukkan daga og stundir, bláklukkan vex um heiðar holt og börð og svo þekkja þær sem fæddar eru á fyrri hluta síðustu aldar undirpilsin sem kölluð voru klukkur.

Kv./ÓA

Vissuð þið að það var ekki til rétt klukka á Íslandi fyrr en sæstrengurinn komst í gagnið árið 1906?

[________________________________________________________, 2.3.2007 kl. 20:18]

Jújújú Óli, hún var til. Éta þegar hungrar, sofa þegar syfjar. Hárrétt..

Hjörleifur. 

[________________________________________________________, 3.3.2007 kl. 09:55]

Oooooog það var rétt!!  Bæði þeir Óli og Hjörleifur hafa rétt fyrir sér, líkamsklukkurnar hafa alltaf verið til staðar og örugglega réttar - bara mismunandi stilltar hjá hverjum og einum

Næsta vísa - skora á ykkur að vera á undan Stóróla að svara!!

Ég og funi fylgjast að
forðum oft mér sveiflað var
með Guði oft ég geng um hlað
Geymist og nafn á högna þar

Og gettu nú! Það má svara strax mín vegna.... ;)

Kv. GSÓ 

[________________________________________________________, 4.3.2007 kl. 01:02]

Þetta er að sjálfsögðu BRANDUR.

Kv. SteiniJ

[________________________________________________________, 4.3.2007 kl. 01:40]

Og......(trommusóló).........Þorsteinn Jónasson, Stykkishólmi hafði rétt fyrir sér!!

Næsta vísa:

Konunafnið stundum stytt
Staurar uppi bera
Lögð í sjó á miðin mitt
Mun í bókum vera

Koma svo!