Ágrip af ferðasögu flakkara

Jæja, heil og sæl.

Komin heim eftir 10 daga þvæling; fyrst staðlota í Kennó 19. og 20. jan, fór síðan á Flughótel Keflavík á sunnudagskvöldið ásamt einum samkennara mínum sem fór með mér út. Flugum til Krakow á mánudagsmorguninn 22. jan með millilendingu í Osló og þar tóku þær mæðgurnar Begga og Helga á móti okkur. Færði Beggu gamlan Mogga, og varð hún voða glöð með það. Eftir kaffisopa (nooott) á Gardemoen héldum við síðan áfram til Krakow, vorum reyndar næstum búnar að missa af flugvélinni, heyrðum eitthvað brak í hátalara og svo heyrðist mér sagt "Olafsdottir" og við rukum af stað að okkar hliði, þá voru allir komnir út í rútu sem flutti okkur út í vél!  Þá hafði ekkert verið kallað út í vélina, bara birtar upplýsingar á skjá og við sveitakonurnar sátum bara í rólegheitum og biðum eftir að það væri kallað í okkur!  Okkur fannst þetta frekar fyndið..........eftirá !

Annars var ferðin öll heljarinnar ævintýri.  Þessi "fundur" sem átti að taka vikuna tók samtals um átta klukkustundir, megnið af vikunni var frjáls tími sem fór mest í að ráfa um götur Rybnik og skoða í búðir, en það var ekki mikið meira að sjá þar. Síðustu nóttina vorum við í Krakow og skönnuðum eitt risamoll, núna veit ég hvað "shop till you drop" er!

Helsta skemmtunin var að eiga stefnumót við mennina okkar framan við vefmyndavél sem staðsett var á torginu framan við hótelið okkar: www.rybnik.pl/index.php?id=485

Rosalega líst mér annars vel á að halda uppá 110 ára afmæli Gamlans okkar helgina 27.-29. júlí!  Ef að líkum lætur verður þetta tónleikahelgi og heilmargt að gerast á Borgarfirði! 

Afmælisbörn janúarmánaðar fá góðar afmæliskveðjur frá mér

Kveðja frá Guðnýju.

Myndin var tekin af okkur Grétu ferðafélaga framan við risavaxið jólatré á torginu í Krakow.

Athugasemdir

[________________________________________________________, 30.1.2007 kl. 16:18]

Gott að þú ert komin heim. Manni var hætt að lítast á ástandið hjá þeim feðgum (sjá athugasemd við færslu hér að neðan).

Kv. Fjóla

[________________________________________________________, 30.1.2007 kl. 19:03]

Já gott að þú ert komin til landsins góða mín - nú sit ég hér ein við tölvuna og þori ekki inni stofu. "Leikurinn" er byrjaður og ég held að ég hafi ekki taugar í að horfa... þarf örugglega rosalega mikið að setja þvott í vél og fara oft á klósettið næsta klukkutímann eða svo.  Kv. góð MÁ.

[________________________________________________________, 30.1.2007 kl. 20:51]

Seinni hlluti framlengingar að byrja.....og ég get ekki horft

kv, Fjóla 

[________________________________________________________, 31.1.2007 kl. 10:39]

Ég sé þig ekki á torginu.

ÓA.

P.s.  Getur einhver sett almennilega mynd af Jörfa í hausinn ?  Hef ekki þolinmæði til að klára þetta.

[________________________________________________________, 31.1.2007 kl. 20:06]

Óli, hvað varstu eiginlega að hræra í þessu!  Ég get ekki miðjað myndina........og svo er hún komin út um allt!

GSÓ

[________________________________________________________, 31.1.2007 kl. 21:50]

Er ekki einmitt fínt að hafa hana"út um allt"?

Fjóla 

[________________________________________________________, 1.2.2007 kl. 02:06]

Núna er komin mynda af Gamla-Jörfa í hausinn.  En þá þarf að breyta um útlit.  Það er kannski allt í lagi.  Verst að smámyndin af Gamla-Jörfa er horfin......hjálp! 

Kv. Gústi.

[________________________________________________________, 1.2.2007 kl. 13:04]

Ná ví ar tokin!!

Flott hjá þér Gústi !

GSÓ

[________________________________________________________, 1.2.2007 kl. 18:28]

Hvað er málið með skarfana ;-)

Kv. SteiniJ

[________________________________________________________, 2.2.2007 kl. 08:23]

what?? hvaða skarfa. Magga

[________________________________________________________, 2.2.2007 kl. 09:59]

Eretta ekki bola-myndin? Fjóla - já, og skarfar hvað?

[________________________________________________________, 2.2.2007 kl. 13:04]

Óttalegir skarfar getið þið verið, stelpur mínar.  Fuglarnir á myndinni efst hægra megin eru sumsé skarfar......eða er það ekki annars, Steini?  Pabbi skaut stundum skarfa í gamla daga - ég man aðallega hvað mér fannst þeir seigir undir tönn!

Febrúarmyndin í myndagetraun á Borgarfjarðarvefnum, eru þetta ekki Nonni í Geitavík og Helgi Eyjólfs? Í Gamla skólanum?

Kv. Guðný.