Ekkert í fréttum ????

"Engar fréttir, góðar fréttir"   En nú er komið að 1. hluta sumarfrísins míns, og þá kemur ekkert annað til greina en að drífa sig "heim".  Við, gömlu hjúin í Sunnubraut 8, ætlum að skreppa í Jörfa á fimtudaginn (10. júní) og vera fram yfir helgina.  Vonandi tekst okkur að plata einhver barnabörn með, til að gera dvölina ánægjulegri   Hlakka mikið til.  Kv. Guja.

Athugasemdir

[________________________________________________________, 7.6.2010 kl. 23:55]

Hér er ýmislegt að frétta og flest gott, já, eða bara allt. Sumarfríið hjá mér byrjar eftir fyrstu vikuna í júlí. Að vísu tek ég (útskriftar)frí tvo daga í þessari viku. Einkadóttirin er að útskrifast úr Kennó (ef má kalla það því nafni) og ég þarf að fara í extrím-meikóver af því tilefni. Eða nota það allavega til að taka frí :) Gömlu barnabörnin fengu kettling á dögunum þannig að ég hef hrapað eitthvað niður vinsældalistann. Það breytist örugglega fljótlega þegar kisa fer að klóra, en það hlýtur hún að gera ef ,,leikirnir" halda áfram sem horfir. Nýja barnabarnið er hinsvegar að fara með mömmu sinni í 10 daga skreppitúr til Ameríku. Hann er búinn að undirbúa sig vel fyrir ferðina, kann að naga rifjasteik þó að hann sé bara sjö mánaða.

Bestu kveðjur, Fjóla Ásg

PS Gott hjá þér, Guja, að koma hreyfingu á bloggið - koma svo ;)

[________________________________________________________, 10.6.2010 kl. 13:40]

Það er greinilega ekki fréttalaust hjá þér, Fjóla mín, og sennilega ekki heldur hjá öllum hinum.  Það vantar bara að tjá sig....  Þú verður  nú fljót að  vinna fyrsta sætið á vinsældarlistanum aftur, þessir kettir geta nú verið svo óútreiknanlegir.  En ég er nú ennþá hérna í Sunnubrautinni og er að bíða eftir einu barnabarninu, sem er að útskrifast úr leikskóla í fyrramálið.  Það er hann Danni minn og svo fer hann í "skólaferðalagið" með okkur, um leið og hann er búinn að taka við útskriftarskírteininu sínu :), ásamt Palla og Láru.  Það verður sko  fjör maður lifandi