Þorri mættur

Sæl öll

Við systur allar héldum saman þorrablót á föstudagskvöldið. Litla kom að norðan ásamt eigimanninum (börnum og einu auka) í tilefni af því að hann var að útskrifast úr véliðnfræði. Pungarnir voru fínir, að ég tali nú ekki um allt hitt góðgætið. Meira að segja hákarlinn var meiriháttar góður þó að hann væri ekki frá Borgarfirði heldur úr Fiskibænum Mikla.

Eitthvað barst í tal - að það væri búið að  berast í tal - að það þyrfti að berast í tal - að Gamli Jörfi yrði 110 ára.....

Kveðja Fjóla

Athugasemdir

[________________________________________________________, 22.1.2007 kl. 21:21]

Sælar systur og þið öll hin.

Frábært, sá gamli eldist vel og sjaldan farið eins vel með okkur og síðasta sumar :)

Það verður einnig stórafmæli í hólminum í sumar, Uppsalir (Péturshús) 100 ára ofl.

Kv. SteiniJ

[________________________________________________________, 22.1.2007 kl. 23:10]

Við Magga fórum ekki á þorrablót um helgina. Ég bauð hinsvegar upp á þorramat í vinnunni í hádeginu á bóndadag. Svo verður heimablót með Sveinu og Pétri á föstudaginn. Þannig að pungar og fleira súrmeti er borðað grimmt, namm-namm!

Það hefur verið rætt í 3ja manna hópi að halda Jörfagleði 28. júlí. Gamli-Jörfi 110 ára, rétt er það. Er ekki um að gera að ákveða það? Steini, þú verður bara búinn að bjóða í 100 ára afmæli áður...er það ekki?

Annars erum við lömuð eftir þennan svakalega landsleik! Ísland-Frakkland semsagt. JA HÉRNA! Steinar Pálmi er á HM og var á leiknum, mér skilst að það hafi ekki verið neitt rosalega leiðinlegt  

Bestu kveðjur, Gústi.

[________________________________________________________, 23.1.2007 kl. 10:30]

Þá er það ákveðið. Merki við 28. júlí. Verð bara að komast. Tek bara hús á Steina í leiðinni....

Leikurinn í gær frábær - held samt að maður hljóti að vera haldinn léttmasókisma fyrst maður er að fylgjast með þessu.

Kv. Fjóla Ásg