Öðruvísi yndislegt

Það er alltaf yndislegt að vera í Gamla-Jörfa, hvort sem er sumar, vetur, vor eða haust. Nú dormum við í Gamlanum, Guðný, Hjörvar Óli, Stebbi og Ragna, úti hamast norðaustanáttin á gluggunum, brimið berst í fjörunni og veðrið ekki mjög fýsilegt til útivistar. Þó látum við það ekki stöðva okkur, viðrum okkur reglulega til þess að geta skriðið undir teppið aftur með góða bók. Búið að labba út í Brekkubæ, niður í Ós, á Álfaborgina og víðar.

 

Siggi kemur á morgun(ef veður leyfir) að sækja það sem honum tilheyrir, framundan ferming hjá systur hans á Fáskrúðsfirði og er meiningin að mæta þar. Gústi, Magga og Óli eru væntanleg á fimmtudaginn svo Stebba og Rögnu leiðist ekki. 

Bara eintóm sæla!

Kveðja, Guðný syss.

Athugasemdir

[________________________________________________________, 30.3.2010 kl. 16:46]

Ath! Þessi færsla er gerð við eldhúsborðið í Gamla Jörfa - pungurinn virkar fínt!!

[________________________________________________________, 30.3.2010 kl. 21:08]

Guðný hefur einstök gen

og gerist því oft slungin.

Sú eina Jörfasystra sem

strýkur á sér punginn.

Kveðja í Gamla Jörfa frá Gústa bró....

[________________________________________________________, 30.3.2010 kl. 22:47]

Gústi, þú ert óóóótrúlega fyndinn.....og hagmæltur!   Gsól

[________________________________________________________, 30.3.2010 kl. 23:10]

Hehe  góður!!!  Gleðilega  páska

[________________________________________________________, 30.3.2010 kl. 23:29]

Gústa hlýtur að hafa batnað við þetta...kv. Fjóla Ásg

[________________________________________________________, 31.3.2010 kl. 10:54]

Hahhhhahhhh - Ég þori varla að commentera á þessa færslu, hún er svo fyndin.  Mér finnst að Stebbi ætti að reyna að skáka litla bróður og semja ennþá fyndnari vísu   Áfram Stebbi.......  Kv. Guja syss.

[________________________________________________________, 31.3.2010 kl. 21:58]

ha ha Gústi hló mig mátlausa....kv Helga sess

[________________________________________________________, 31.3.2010 kl. 22:26]

Gústi yrkir vísur vel

víst er piltur slunginn

ekki varð mér samt um sel

við söguna um punginn.

Kveðja úr Gamla-Jörfa, Stebbi bró.

[________________________________________________________, 1.4.2010 kl. 08:51]

Haha! Góóóður 

Kv. Gústi.

[________________________________________________________, 1.4.2010 kl. 11:08]

dásamlegt......ekki amalegt ... æðislegt kv Helga Sess í fanta páskastuði að fara í brunch til Fjólu syss

[Gunna (IP-tala skráð) 1.4.2010 kl. 18:05]

Gaman ykkar grátt nú....en,

góðu Jörfabræður.

Finnst mér hafi flest sín gen

fjórtán barna mæður.

K.v. Gunna.

[________________________________________________________, 1.4.2010 kl. 21:27]

Jörfaliðið talar í vísum

um  Guðnýju með tóman punginn

Gústi yrði talinn með skvísum

ef  væri hans úr honum stunginn.

 

Gaman inn um glugg‘að horfa

á systkinin í Gamla Jorfa

af öllum sínum þunga, þunga

strjúka þau sína punga, punga.

 

Akraselir.

[________________________________________________________, 1.4.2010 kl. 23:57]

Guð minn góður, á að drepa mann úr hlátri!!    Kv. Guðný syss

Gunna...fjórtán barna mæður? Ég er ekki alveg að fatta...

[Gunna (IP-tala skráð) 2.4.2010 kl. 10:13]

Guðný. Jörfasystur eiga samtals fjórtán börn. Ekki nein vafasöm gen þar í gangi.

Kv. Gunna syss.