Haustferð á heimaslóðir

Við hjónakornin fórum í stutta haustferð austur um síðustu helgi. Vöknuðum í unaðslegu veðri á laugardagsmorguninn, þannig að ég var komin út með myndavélina fyrir allar aldir og náði að festa morgunroðann og ýmislegt annað á "filmu".

Gamli Jörfi tók á móti okkur hlýr og notalegur, Eiki hafði tæmt músagildrurnar deginum áður og fékk þrjár, eina í búrinu og tvær í skúrnum.  Það var afar erfitt að yfirgefa sælureitinn, ætlum að reyna að komast aftur austur í vetur. 

Sendi pistil og myndir á Borgarfjarðarvefinn og má sjá það hér: 

http://www.borgarfjordureystri.is/heim/moya/news/gudny-ola-a-heimaslodum-5.-6.-nov-2011/

 Guðný.

Grúskað í gömlu dóti

                Dimmidalur eftir Ólaf J. Bergsson

Ekki er þar allt sem sýnist

efst uppi í fjallanna reit

Því barnið veit hvert um það hérna

að heil býr þar álfafólks sveit.

Ég hugsaði oft um það ungur:

"Hvar ætli þeir muni slá ?

og afréttin eigi að vera,

og ærnar og hestarnir þá".

Og svo er hann Dimmidalur

svo draugaleg bjarga-krá

sem hamrar og hengiflug lykja

að hroll í sig smalarnir fá.

Í björgunum syðri hér situr

þó sýslumaðurinn

en hinsvegar hömrunum ræður

huldufólks-presturinn.

Og soninn, sinnhvorn þeir áttu

siðgóða háttprúða menn,

Þeir völdu sér víf niðri á "Hvoli"

sem vottar hún, þjóðsagan enn.

 

                        Ó J B  25. janúar 1904

 

 

 

 

 

 

 

 

 

Óli Gústa og Hjörleifur Helgi í boði náttúrunnar

Var í útgáfuteiti fyrr í kvöld, þar sem fagnað var útkomu nýjasta eintaks af tímaritinu "Í boði náttúrunnar". Blaðið er vandað og fínt í alla staði, en þó finnst mér blaðsíður 69-75 bera af, en þar sýnir meistarakokkurinn Ólafur Ágústsson takta sína. Hjörleifur stóð sig afar vel sem staðarhaldari í Ensku húsunum þar sem eldamennskan fór fram, og fékk að vera með meistarakokknum á mynd .

VETUR í boði náttúrunnar - mæli með því!  Blaðinu fylgir ókeypis gjafaáskrift sem gildir til 15. desember!

Guðný.

 

http://ibodinatturunnar.is/

Nýjasti Jörfaliðinn

Óli og Lára eignuðust yndislega stelpu 12. október. Það er auðvitað búið að birta fréttina á Facebook og setja þar fullt af myndum. Jörfavefurinn verður samt að sjálfsögðu að vera með!

Stelpan er hraust og falleg og dafnar vel. Hún gengur undir ýmsum nöfnum; "Litla skessan" er helsa gælunafnið sem foreldrarnir nota, en ömmu og afa finnst "Yndisleg Ólafsdóttir" langbest! 

Við eru óskaplega stolt af fyrsta barnabarninu og þessi reynsla er hreint ótrúleg! Henrik okkar er auðvitað afa- og ömmustrákurinn, en nú er komin systir og hann stendur sig rosa vel sem stóri bróðir!

Bestu kveðjur, Gústi og Magga.

Það var málaður tankur

Lengi hefur staðið til að mála olíutankinn við Gamla-Jörfa. Fyrr í haust klæddu Gústi og Geiri sig í málningargallann og kláruðu verkið!

Gústi hafði keypt sérstaklega valið Kraftlakk og það átti að vera rautt, í sama lit og þakið á Jörfa. Þegar dósin var opnuð kom í ljós að lakkið var vissulega rautt.....alveg ELDRAUTT! En hvað um það, tankurinn var skrapaður, pússaður og málaður! 

Einhver giskaði á að sennilega hefði verið vissara að láta fara fram mat á umhverfisáhrifum! Svo svakalega þykir tankurinn rauður. Nú er hann notaður sem innsiglingarviti fyrir Austurland að Glettingi! 

Það eru málningarmyndir í myndaalbúminu. http://jorfalidid.blog.is/album/Tankurinnmaladur/

Hjónaefni.

Þessi tilkynning birtist í Tímanum 3. janúar árið 1957.  Sambandið á sveitalínunni hefur verið eitthvað lélegt.

ÓA

Eitt par. Tvö lönd. Fjórar eyjar. Sjötíu dagar…

Eins og einhver ykkar vita þá eru þau Skúli okkar og Heiða kærastan hans í ferðalagi um Mið-Ameríku.

Ef þið hafið áhuga á að fylgjast með þeim, þá blogga þau á síðunni:

http://ljosvikingar.wordpress.com

Kv/ÓA

Haustferðin

Gunna, Geiri, Raggi og Guja fóru í haustferðina í Gamla-Jörfa um síðustu helgi.  Skiptust á skin og skúrir, þannig að þegar þau voru búin að paufast í krapi og leiðindum yfir öræfin tók við dásamlegt veður á Borgarfirði (eins og myndin af Svartfellinu og tunglinu ber með sér).  Heldur hvessti þegar leið á nóttina og var strekkingsvindur af vestri og hiti að 9´C um helgina.  Gerðu þau helst ekki neitt, eða bara það sem þeim þótti  þægilegt   Krossuðu og blessuðu Gamlann og kvöddu á mánudag.

99 ára!

Hann pabbi hefði orðið 99 ára í dag, hefði hann lifað. Að ári verður 100 ára afmæli, þá ber 7. september uppá föstudag, spurning um opið hús í Gamlanum á laugardeginum?

Til hamingju með daginn, Jörfaliðar!

Kv. litlasyss

Við sjávarsíðuna.

Lomberspil og smábátaútgerð á Borgarfirði eystra.

http://dagskra.ruv.is/ras1/4581876/2011/08/23/