Lækurinn verður aldrei bakkafullur...af svona

Það verður ekki hjá því komist að setja hér inn eftirfarandi brot úr leiklistargagnrýni sem Þórarinn Hjartarson skrifar á www.dagur.net um uppsetningu Leikfélags Dalvíkur á Sölku Völku:

,,Frammistaða leikaranna er svo fjarskalega góð að það verður að geta einhvers af því. Ída Guðrún Atladóttir sem yngri Salka verður held ég að kallast stjarna kvöldsins og hún túlkar þetta erfiða aðalhlutverk af miklum krafti og sannfærandi styrk. Hitt meginhlutverkið, móðirin Sigurlína, er í allra bestu höndum Lovísu Maríu Sigurgeirsdóttur sem sannar sig í hundraðasta sinn og veitir Ídu Guðrúnu það mótspil sem laðar fram stórleik, og þær grættu okkur aftur og aftur. Hjörvar Óli Sigurðsson var líka stórgóður sem Arnaldur ungi og samspil þeirra Sölku var sterkt..."

Ef einhverjum finnst þetta vera mont, þá er það bara af því að ég er að monta mig

Kv. Fjóla Ásg, rígmotna stórfrænka

jú, jú...

Hún Guðný á afmæli í dag   til hamingju með það.

Kv. góðu úr Þrastarhóli

Ída Guðrún fer á kostum !

Fór á frumsýningu á Sölku Völku hjá LD í gærkveldi. Tveir Jörfaliðar fara þar með hlutverk. Hjörvar Óli leikur Arnald á yngri árum. Þó hann sé sonur minn þá verð ég að segja að hann stóð sig bara með prýði. Stjarna kvöldsins var þó án nokkurns vafa Ída Guðrún Atladóttir í hlutverki Sölku á yngri árum. Þvílík frammistaða! Að koma til skila örvæntingu barns og sorgum eins og er krafist í þessu hlutverki er ekki á færi nema afburða leikara. Ída tekur þetta í nefið. Maður sat eftir með táraflóðið niður báðar kinnar. Hvet alla sem tök hafa á að upplifa leiksigur Ídu Guðrúnar. P.s munið eftir vasaklútnum.

Siggi Jörgen 

9. nóvember 2007

Skelli þessu hér inn í tilefni dagsins:

http://www.vh.is/

Kveðja, Fjóla Ásg (frumburður heiðurskonunnnar....) 

uppþvottavélar og umboðsmenn

Sæl öll.

Þetta vesen með uppþvottavélina í Klöfta verður ekki vandamál þegar ég verð búin að selja Tómas frænda minn. Ég er að hugsa um að byrja smátt og láta leka ábendingu til ,,minna manna". Þá er um að ræða Skagamenn, ja....eða Everton. Ég þarf bara aðeins að hugsa þetta. Helga, ertu ekki með hann á skikkanlegu fæði? Svo máttu heldur ekki láta hann vaska upp þó að uppþvottavélin sé biluð - þú verður sko að eiga inni.

Hér er allt fínt að frétta (á meðan maður minnist ekki á veðrið). Tíminn heldur áfram að fljúga. Ég er sem sagt búin að fara í klippingu. Barnabarnið sem á að fæðast um miðjan desember er líka búið að átta sig á því hvað tíminn líður hratt þannig að því fannst góð hugmynd að reyna að fæðast á laugardaginn. Ljósmæður og læknar voru ekki á sama máli og komu í veg fyrir þau áform. Mamman var látin liggja á spítalanum yfir helgina en fékk að fara heim áðan. 

Ekki meira að sinni. Kær kveðja, Fjóla Ásg 

 

Tómas fótboltamaður ársins í Klöfta.

Tómas Berg var í gær kosinn fótboltamaður ársins hjá íþróttafélaginu í Klöfta í Noregi.  Fékk hann 20 stig af 22 mögulegum.  Tómas hefur sýnt í leikjum sumarsins að hann er vel að titlinum kominn, en hann hefur staðið sig frábærlega.  Ásamt því að spila með sínum flokki þá hefur hann einnig spilað með flokknum fyrir neðan í deildinni og með meistaraflokki undanfarin tvö ár.

 Til hamingju Tómas !!

 

 

P.s.

Uppþvottavélin hennar Helgu er að "geyspa sitt síðasta" !!

 

Megas í Vatnasafninu

Sitjum hér í Péturshúsi skötuhjúin og erum að fara á Megasar-tónleika hérna í næsta húsi. Fyrst við komumst ekki í Bræðsluna þá lætur maður þetta ekki fram hjá sér fara. Þetta verða ca. 120 manna tónleikar hérna í Vatnasafninu. Þeir áttu að byrja 8 en bíllinn bilaði....en þeir eiga að byrja 9.

kv. Bogga og Steini

 

 

Indælt líf!

Sæll! Já, það væsir ekki um okkur hjónakornin núna.  Látum fara vel um okkur á Hótel Bern í Tallin á milli þess sem við skönnum veitingahús og búðir og röltum göturnar í þessari dásamlegu borg. Fórum á markaðinn í dag, gaman að því. Ekki eins gaman í mollinu, Siggi var farinn að ofanda og kominn með útbrot eftir 10 mínútur svo við létum okkur hverfa þaðan fljótlega...

Hafði tölvuna með til gamans - og viti menn!  Er þá ekki þráðlaust net á hótelinu!  Ekki var það nú verra! 

kv. G+S

Myndasíðan mín er hér, ef einhvern langar að kíkja .... : http://www.flickr.com/photos/gudnysigga/

Okkar maður vann!!

Ojá, haldið þið að hann Gústi hafi ekki bara tekið(hitt) fræga fólkið í nefið og unnið matreiðslukeppnina!

Hann stóð sig alveg eins og hetja. Við systur; Gunna, Guja og ég stóðum þétt við bakið á honum og studdum hann og erum alveg að rifna úr stolti.

Látum myndirnar tala sínu máli, kíkið á nýja albúmið.

Kv. Guðný 

Heija Jörfaliðið!!

Nú er svo komið með hann Gústa bró að hann flokkast orðið með ráðherrum, bankastjórum og bæjarstjórum!  Hann er að fara að keppa í matreiðslukeppni þjóðþekktra einstaklinga með hinu fræga fólkinu . Við Guja ætlum hvetja hann til sigurs og mæta með Jörfaliðs-skiltið sem er annars geymt úti í skúr, Þóra sendi mér það norður í gær.   Nei, djóóók.............

En þetta er samt ekkert djók með matreiðslukeppnina. Svona lítur fréttin út á vefnum: 

Á sunnudaginn verður m.a. matreiðslukeppni þjóðþekktra einstaklinga og þar ætla að reyna með sér þau Þorvaldur Lúðvík Sigurjónsson, forstjóri Saga Capital, Kristján L. Möller, samgönguráðherra, Sigrún Björk Jakobsdóttir, bæjarstjóri á Akureyri, Ágúst Ólafsson, forstöðumaður RÚV Akureyri og Magnús Geir Þórðarson, leikhússtjóri LA. Sýningargestir geta fylgst með þeim leika listir sínar í eldhúsinu.

 

http://localfood.is/default/page/matur-inn_2007/ 

 

Get ekki beðið, þetta verður spennandi!  Áfram Gústi!!  

kv. GSÓ